لما السند بيروح بيبان علينا . بنعجز فجأة . وعمرنا بيزيد ٢٠ سنة .

بيبان علي ملامحنا و شكلنا ، نظرة العين ونبرة الصوت ورعشه الكلام اللي مش قادر يخرج .

البقاء لله في مين يا جماعة . انتوا بتهزوا ؟!
ده كان في حضني من شوية ، كوباية الشاي بحطه ايده ، مفاتيح الشقة وكرسيه ع السفره ومكانه في السرير ونضارته النظر ..
اخر حد لمسني كان هو ، لسه ريحته في كف ايدي .



هو مامتش يا جماعة !! هو بس بيرتاح شوية من تعب اليوم !!
وهايصحي كمان ساعة !!

عندنا مشوار مهم رايحينه سوا . حتي هدومه اللي هايلبسها اهي ! موجودة في الدولاب .. بحطه ايده والله ..

صدقوني يا جماعة ! انتوا بس اللي مش فاهمين !